Kreu demokrat Sali Berisha, në vazhdë të akuzavë ndaj kryeministrit Edi Rama dhe maxhorancës, deklaroi se kreu i qeverisë mban sekret rezultatet e Censusit. Sipas Berishës, Rama mban të fshehta rezultatet e cencusit, sepse 30 përqind e shqiptarëve kanë ikur në 8 vite qeverisje.
“Unë nuk di ndonjë rast, ndonjë luftë, ndonjë tragjedi natyrore që të ketë larguar nga vendi në 8 vite mbi 33% të një populli të një vendi. Lufta e Dytë botërore më shkatërrimtare se në çdo vend tjetër ishte në Poloni. Polonia humbi 20% të popullit të saj. Shqipëria në 8 vitet e Edi Ramës humbi 33% e qytetarëve. Ai mban sekret prej kaq muajsh rezultatin e regjistrimit të popullatës”, tha Berisha.
Ndërsa, drejtoresha e INSTAT Elsa Dhuli në një intervistë për Review deklaroi se për një kohë të shkurtër, do të dalin të dhënat për popullsinë.
“Për të qenë korrekt me publikun, kemi gjykuar se është më e drejtë që të nxjerrim një shifër cilësore dhe të saktë, të cilës të mos i kthehemi më. Pasi të shqyrtohen të gjitha dokumentet, për një periudhë të shkurtër do të bëhen publike rezultatet e Censusit. Është më mirë të kemi një statistikë, e cila do të jetë e besueshme dhe cilësore për publikun”,tha Elsa Dhuli.
Censusi i popullsisë dhe banesave në Shqipëri nisi në muajin shtator 2023 dhe zgjati 6 javë. Procesi u shoqërua me mjaft debate
