Sot, Shkodra u përball me reshje intensive shiu, por nuk janë raportuar dëme të mëdha në banesa apo biznese. Grupet e punës janë angazhuar për menaxhimin e situatës.
Në terren po punojnë 43 punonjës të Ndërmarrjes së Shërbimeve Publike, 40 nga Ujësjellës-Kanalizimet, 14 efektivë të Policisë Bashkiake, 12 nga Forcat Zjarrfikëse dhe 18 nga Policia e Shtetit.
Parashikimet sugjerojnë që reshjet do të vazhdojnë edhe nesër, por aktualisht situata është e qetë dhe monitorohet nga specialistët e emergjencave civile.
