Reshjet e dendura të shiut kanë shkaktuar problemet e par në qarkun e Lezhës. Disa rrugë në qytet janë bllokuar nga uji, duke vështirësuar qarkullimin e automjeteve dhe kalimin e këmbësorëve.
Vërshimi i ujit solli përmbytje në blloqet e banimit “11 janari” dhe 11.2 hektare te lagjes “Besëlidhja”. Po ashtu hyrjet e disa pallateve janë bllokuar nga uji, ku niveli arriti deri në 30 cm.
Bllokimi i pusetave dhe pamundësia e kanaleve kulluese për të zvogëluar praninë e ujit, janë shkaqet kryesore të krijimit të kësaj situate, të përsëritur në qarkun e Lezhës sa herë që vendi përfshihet nga reshje me intensitet të lartë.
