Një ngjarje e rëndë ka ndodhur mbrëmjen e së martës në Lezhë, ku një person është dhunuar rëndë në afërsi të një pike karburanti, në aksin Lezhë–Rrilë. I plagosuri është nxjerrë me forcë nga automjeti që drejtonte dhe më pas është goditur me mjete të forta nga autorët.
Sipas korrespondentes së Top Channel, Brixhilda Deda, i dëmtuari ka marrë ndihmën e parë në urgjencën e spitalit të Lezhës, më pas është dërguar në Spitalin e Traumës në Tiranë për trajtim të specializuar, për shkak të gjendjes së tij të rënduar.
Policia ka nisur hetimet për të identifikuar dhe kapur autorët e këtij akti të dhunshëm, ndërsa po punon për të sqaruar rrethanat dhe motivet që çuan në dhunimin e tij.
