Një gjykatë në Iran ka dënuar regjisorin Jafar Panahi me një vit burg në mungesë për “aktivitet propagandistik” kundër shtetit, sipas avokatit të tij. Së bashku me dënimin me burg, Panohit i është ndaluar të largohet nga vendi për dy vite dhe t’i bashkohet grupeve politike ose shoqërore.
Avokati i tij njoftoi se do të apelonte këtë vendim, megjithatë nuk ka dhënë detaje mbi natyrën e aktiviteteve të akuzuara si propagandë.
Panahi, 65 vjeç, ka një histori të gjatë me regjimin iranian, pasi është burgosur dy herë më parë. Ai fitoi Palmën e Artë në Festivalin e Filmit në Kanë këtë maj për filmin e tij “Një Aksident i Thjeshtë,” që trajton historinë e pesë ish-të burgosurve që planifikojnë hakmarrje ndaj një burri që mendojnë se është ish-roja e tyre. Aktualmente, ai ndodhet jashtë Iranit.
Në nëntor, Panahi ishte në një tur në Shtetet e Bashkuara, ku vizitoi Los Angeles, New York dhe mori pjesë në festivalin Telluride me qëllim promovimin e filmit të tij të fundit, i cili është përzgjedhur nga Franca si nominim zyrtar për çmimin Oscar.
