Presidenti i Polonisë ka nënshkruar një reformë të re tatimore që ka si qëllim lehtësimin e barrës financiare për familjet dhe stimulimin e rritjes ekonomike. Ligji parashikon taksë zero mbi të ardhurat për prindërit që rrisin të paktën dy fëmijë, përfshirë kujdestarët ligjorë. Lehtësimi fiskal do të aplikohet për të ardhura vjetore deri në 140 mijë zloty (rreth 32,973 euro) dhe pritet të sjellë një rritje mesatare prej 1,000 zloty (235 euro) në buxhetin mujor të një familjeje.
Ky projekt ua paraqit Presidenti Karol Nawrocki në gusht, si një nga premtimet kryesore të fushatës “Kontrata me Polakët”. Ai nënshkroi ligjin simbolikisht më 8 gusht, para se ta dorëzonte për miratim në Sejm. Reforma hyn në fuqi menjëherë, megjithatë efekti i saj në xhepat e qytetarëve do të bëhet i dukshëm në deklaratat tatimore të vitit 2026.
Reforma është pjesë e një pakete më të gjerë të quajtur “Armatimi Tatimor”, e cila përfshin gjithashtu uljen e TVSH-së nga 23% në 22%, heqjen e taksës mbi fitimet kapitale dhe indeksimin automatik të pensioneve. Qeveria polake e ka parashikuar këtë paketë si një mënyrë për të rritur konsumin, përmirësuar jetesën e familjeve dhe nxitur aktivitet profesional në një treg pune që po përballet me sfida demografike.
Me këtë reformë, qeveria shpreson të kontribuojë në stabilizimin e situatës ekonomike dhe të përmirësojë kushtet e jetesës për qytetarët e saj. Reformën e shohin si një hap të rëndësishëm drejt nxitjes së një mjedisi më të favorshëm për rritjen ekonomike dhe për mbështetje ndaj familjeve.
