Real Madridi mbetet i bindur se Xabi Alonso është figura qendrore e projektit të tij të ri, duke e vendosur trajnerin bask në qendër të strategjisë së skuadrës. Edhe pas tre rezultateve të fundit, që kanë ngushtuar diferencën në krye të La Ligës në vetëm një pikë dhe kanë sjellë humbjen e parë të ekipit në Europë, mbështetja për Alonsin është e palëvizshme.
Në Valdebebas, askush nuk dyshon se Alonso — për të cilin klubi investoi shumë verën e kaluar — është profili ideal për të udhëhequr një projekt afatgjatë. Real Madridi mbetet në garë për dy objektivat kryesorë, La Ligën dhe Champions League, ndërsa pritet edhe Superkupa e Spanjës dhe Kupa e Mbretit në vitin 2026.
Drejtuesit e klubit theksojnë se “trajneri është shefi” dhe respektojnë të gjitha vendimet e Alonsos, përfshirë ato më të diskutueshmet, si lënia në stol e Vinicius Jr katër herë këtë sezon dhe formacioni me pesë mbrojtës, i përdorur në ndeshjen e fundit kundër Elches. Besimi i klubit ndaj trajnerit mbështetet në ekspertizën e tij dhe sukseset e arritura në Gjermani me Bayer Leverkusen, ku Alonso tregoi aftësi të jashtëzakonshme në një periudhë të shkurtër.
Real Madridi shikon rezultatet e fundit si një fazë kalimtare. Alonso ka nënshkruar një kontratë trevjeçare dhe konsiderohet si njeriu i duhur për të udhëhequr epokën pas Carlo Ancelottit, trajnerit më të suksesshëm në historinë e klubit. Pikëpamja e Real Madridit është e qartë: rruga është e përcaktuar dhe Xabi Alonso është menyra për të vazhduar këtë projekt të ri.
Kështu, klubi vazhdon të përqendrohet në objektivat e tij dhe të mbështesë liderin e tij të ri, ndërsa e ardhmja në La Liga dhe europë mbetet në duar të tij.
