Real Madrid vijon të ketë një moment të vështirë në kampionatin spanjoll, pas humbjes së papritur 2-0 përballë Celta Vigo në Santiago Bernabeu, ku deri tani ishin regjistruar vetëm fitore. Celta arriti të imponojë rezultatin ndaj skuadrës së trajnerit Xabi Alonso, që u ballafaqua me mungesat e rëndësishme, përfshirë dëmtimin e Militaos dhe dy kartonë të kuq që iu ndanë Fran Gracián dhe Carreras.
Ndeshja filloi me një shans të parë nga Pablo Duran, por Real Madrid dominoi lojën në pjesën e parë, duke krijuar mundësi me Arda Guler dhe Bellingham. Megjithatë, pjesa e parë përfundoi pa gola. Në fillim të pjesës së dytë, Celta u tregua më kërkuese dhe arriti të shënojë në minutën e 54 me Sëedberg, që i dha avantazhin skuadrës vizitore.
Gjendja për Realin përkeqësohej gjithnjë e më shumë, pasi Fran Garcia u ndëshkua me dy kartona të verdhë, të cilat u shndërruan në të kuq, duke lënë Real Madridin me 10 lojtarë. Pavarësisht përpjekjeve dhe futjes në lojë të Rodrygo, situata nuk ndryshoi. Më pas, Carreras u ndëshkua gjithashtu, duke lënë Realin vetëm me 9 lojtarë.
Në minutën e 92, Celta shfrytëzoi këtë avantazh dhe shënoi golin e dytë nga Sëedberg, duke mbyllur ndeshjen me rezultatin 2-0 dhe duke e çuar skuadrën në kuotën e 19 pikëve. Kjo humbje e thellon krizën e Realit, që e sheh veten katër pikë pas Barcelona-s në krye të tabelës, ndërsa presioni mbi trajnerin Xabi Alonso rritet ndjeshëm.
