Reali i Madridit arriti një fitore bindëse ndaj Real Sociedadit me rezultatin 4-1 në ndeshjen e javës së 24-të të La Ligës. “Galaktikët” e filluan me ritëm të shpejtë, ku Gonzalo Garcia zhbllokoi rezultatin në minutën e 5-të, pas një asistimi të shkëlqyer nga Trent Alexander-Arnold.
Megjithatë, Real Sociedad u rikthye në lojë falë Mikel Oyarzabal, që shënoi nga penalltia në minutën e 21-të. Euforia e mysafirëve zgjati pak, pasi vetëm katër minuta më vonë, Vinicius Jr fitoi dhe shndërroi një penallti për të rikthyer epërsinë e vendasve. Realit i vazhdoi dominimi me Federico Valverden, i cili, pas asistit të Carreas, realizoi një supergol në minutën e 31-të, duke e çuar rezultatin në 3-1.
Pjesa e dytë nisi me të njëjtin ritëm, ku Vinicius Jr fitoi një tjetër penallti dhe e finalizoi, duke vendosur shifrat në 4-1. Edhe pse shënoi një gol tjetër për të kompletuar trigolëshin, ky gol u anulua për pozicion jashtë loje.
Pas kësaj ndeshjeje, Reali i Madridit ngjitet në krye të La Ligës me 60 pikë, ndërsa Real Sociedad mbetet në vendin e tetë me 31 pikë.
