Në dosjen e gjatë hetimore të SHBA për Edi Ramën, një nga emrat më të rëndësishëm, i etiketuar si Personi B, është Dorian Duçka, i cili thuhet se është një këshilltar informal i kryeministrit shqiptar.
Edhe pse këshilltar informal, ai qëndron në paradhomën e Ramës dhe përdor të gjithë elementët qeveritarë, që nga emaili dhe deri te pasaporta, për të vepruar si njeriu i ngushtë i Ramës.
Sot, Duçka bëri një reagim të shkurtër për këtë skandal.
“Nuk kam koment, mund t’i drejtoheni Departamentit të Drejtësisë Amerikane nëse keni nevojë për më shumë informacion” shkruan Duçka në përgjigjen e tij për Euronews Albania.
Ai ka lobuar për të korruptuar ish-zyrtarin e lartë të FBI, Charles McGonigal, për interesa të ngushta financiare.
Ndërkohë kreu i opozitës shqiptare, Sali Berisha, ka deklaruar se Personi B, Dorian Duçka, është nën hetim jo vetëm në SHBA, por edhe vetë në Kinë.
Berisha tha se një avion i gjatë që pati mbërritur dikur në Rinas, ka marrë Duçkën, bashkë me Ramën dhe vëllain e tij, Olsin, për t’i dërguar në Kinë.
Por Duçka është një personazh akoma më i rrezikshëm. Para disa kohësh mediat raportuan se një eksponent i kartelit më të rrezikshëm botëror, Sinaloa, ka vizituar zyrën e kryeministrit shqiptar.
Personi që e dërgoi në zyrën e Ramës nuk ishte as më shumë dhe as më pak, por vetë Duçka. Ky ka lobuar për të korruptuar edhe ligjvënës dhe zyrtarë të tjerë jo vetëm në SHBA, por edhe në Europë, kryesisht në Gjermani.
