Turqia rikthehet sot në kutitë e votimit për t’i dhënë fund ose zgjatur një dekadë të tretë epokës së Rexhep Tajip Erdogan, i cili kërkon rizgjedhjen në presidencë.
Erdogan, në pushtet prej njëzet vitesh, shihet si favorit në këtë raund të dytë të paprecedentë të zgjedhjeve presidenciale, ku përballet me socialdemokratin Kemal Kilicdaroglu.
Vendotimet sapo janë hapur dhe rreth 60 milionë votues të Turqisë (diaspora tashmë ka votuar) janë të ftuar të zgjedhin midis vizioneve të paraqitura nga kandidatët nga ora 08:00 deri në orën 17:00.
Nga ana tjetër, Kilicdaroglu, nuk ka qenë në gjendje të përfitojë politikisht, pasi nuk i kaloi 45% të votave në raundin e parë. Kryetari i CHP, Partia Popullore Republikane, e themeluar nga Mustafa Kemal, premtoi “kthimin e pranverës”, rikthimin në një sistem parlamentar, rivendosjen e pavarësisë së gjyqësorit, banka qendrore dhe lirinë e shtypit.
Rezultati i zgjedhjeve presidenciale do të shpallet në mbrëmje dhe do të shqyrtohet me shumë kujdes nga aleatët e Turqisë, veçanërisht në NATO.
