Kryeministri Edi Rama ndodhet në Gjermani, ku do të marrë pjesë në Samitin “Procesi i Berlinit 2022”. Ai ka ndarë një video pak më parë nga pritja që i është bërë nga kancelari Olaf Scholz.
“Pritja nga Olaf Scholz, Kancelari Federal i Gjermanisë, me rastin e pjesëmarrjes në Samitin “Procesi i Berlinit 2022”, shkruan Rama krahas videos së shpërndarë në Facebook.
Theksojmë se në këtë samit liderët e Ballkanit Perëndimor do të nënshkruajnë tre marrëveshje, që do të jenë për njohjen reciproke të letërnjoftimeve, të diplomave universitare dhe të kualifikimeve profesionale. Një fokus në samit do të marrë edhe kriza energjetike.
