Kryeministri Edi Rama me anë të një postimi në rrjete sociale u bën thirrje emigrantëve shqiptarë që të kthehen dhe të punojnë në vendin e tyre.
Rama shprehet se pagat kanë shkuar deri në 1 mijë euro në sektorin e turizmit.
“Të punosh në turizëm në Greqi a në Itali a kudo tjetër në Europë, si emigrant shqiptar, nuk është më një zgjedhje më e mirë se sa të punosh në Shqipëri, nga Thethi e deri në Ksamil. Pagat e rritura shumë ndjeshëm dhe taksat e shpenzimet shumë më të ulëta se sa kudo gjetkë, e bëjnë sot punën në sektorin e turizmit shqiptar një zgjedhje më të mirë se sa në vende të tjera rrotull”, shkruan Rama.
