Ulsi Manja është transferuar drejtues politik i PS në Lezhë, teksa deri më sot mbante po të njëjtën përgjegjësi por në Dibra.
Bëhet me dije se në vend të tij në Dibër si drejtuese qarku është caktuar Belinda Balluku.
Këto ndryshime janë njoftuar ditën e sotme nga Sekretari i Përgjithshëm i PS Damian Gjiknuri teksa ka prezantuar Manjën në Lezhë.
“Me strukturat e Partisë Socialiste të Qarkut të Lezhës ku prezantova Ulsi Manjën si drejtuesin e ri politik. Falenderova Blendi Klosin për punën e bërë deri më tani në këtë qark. Në cilësinë e Sekretarit Organizativ, në këtë fazë, Blendi ka një përgjegjësi të shtuar duke ju përkushtuar plotësisht mbarëvajtjes së procesit të brendshëm zgjedhor të partisë në territorin e 61 bashkive. Punën e mirë të bërë nga Ulsiu në Qarkun e Dibrës do ta vazhdojë më tej Belinda Balluku”, shkruan Gjiknuri.
Këto ndryshime vijnë pasi në orët e para të mëngjesit, kryeministri Edi Rama mblodhi drejtuesit politik të qarqeve dhe komisionin e posaçëm të Kryesisë për mbarëvajtjen e procesit zgjedhor për kryetarët e 61 degëve të PS.
