TIRANË- Kryeministri, Edi Rama ka njoftuar se do të rinisë takimet me shqiptarët e diasporës. Me një poster me ngjyrat kuqezi njoftohet se Rama do të zhvillojë një takim me shqiptarët në Shtetet e Bashkuara të Amerikës.
Pas nisjes së takimeve më diasporën muaj më parë tashmë Rama do të zhvillojë takimin e radhës i cili do të mbahet me 26 tetor në Nju Jork. Aktiviteti do te zhvillohet në “Gotham Hall” në orën 11:00.
Kryeministri Rama nisi një tur takimesh me shqiptarët e diasporës. Takimin e parë me shqiptarët e diaporës e zhvilloi në Athinë më 12 Maj. Pas kryeqytetit grek Rama shkoi edhe në Milano më datë 26 Maj ku u takua me shqiptarët e Italisë. Në axhendë ishte edhe një takim me shqiptarët në Angli më 2 qershor por u anulua.
