Kreu i qeverisë shqiptare Edi Rama është vendosur në lëvizje duke bërë hapin e dytë për tensionet në veri të Kosovës. Pas nisjes së draftit për Asociacionin, ai tha se ka kërkuar që Franca dhe Gjermania të futen në “lojë” për atë që po ndodh në Kosovë.
“Së pari ata tre burra duhet të kthehen në shtëpi sepse nuk kanë bërë asnjë krim. Pardje i kam nisur një letër të dytë pas asaj të draftit të Asociacionit, Macronit dhe Scholz dhe presidentit të KE-së për shtyse e re, konkrete, nga Franca e Gjermania, me mbështetjen e SHBA, për finalizimin e marrëveshjes mes Kosovës dhe Serbisë që është sot një domosdoshmëri po aq alarmante sa situata në degradim të vazhdueshëm në Veriun e Kosovës.
Po rrezikohet një përplasje fatale e armatosur mes grupeve që operojnë në veriun e Kosovës dhe forcave të sigurisë që do të ishte një katastrofë në mes të së cilës do të përfshihej pastaj, KFOR-i. Përplasja do të rezultonte fatale edhe për gjithçka është bërë në këto vite” tha Rama. Nga kjo situatë, Edi Rama tha se kërcënohet edhe Shqipëria. “Interesi i Shqipërisë kërcënohet në këtë situatë. Ky rajon nuk është as i Albinit dhe as i Aleksandrit” tha ai.
Tha se i vetmi përfitues për atë që po ndodh në Kosovë është Vladimir Putin. “I vetmi përfitues është ai zotëria që rri në bunkerin e tij në Kremlin. E kam thënë, që nëse do të bëhej një imazh, Rusia do të ishte me siguri të ngërlleshëm që ja, pa neglizhuar faktin për ta shfrytëzuar faktin në terren me grupet e armatosura dhe historitë të tjera” tha ai.
