Kryeministri Edi Rama mbajti fjalën e tij në hapjen e Panairit të Turizmit në Berlin (ITB Berlin 2025), panairi më i madh i turizmit në botë, ku Shqipëria do të promovojë potencialet e saj turistike.
Rama iu drejtua publikut gjerman duke e ftuar të vizitojnë masivisht Shqipërinë. Ai kujtoi se gjatë periudhës së komunizmit, të vetmit gjermanë perëndimorë që vizituan Shqipërinë ishin lojtarët e ekipit të futbollit, me në krye legjendën Franz Bekenbauer.
“Këtë javë në Berlin, bota ftohet të zgjedhë mes Shqipërisë, Spanjës apo Portugalisë apo të tjerë që marrin pjesë në Kupën Botërore të turizmit. Është gara e vetme ku ekipi gjerman nuk nis si favorit. Kur u zhvillua ky panair në 1967, Shqipëria kishte 1000 turistë. Kryesisht nga Gjermania Lindore, markisistë leninistë që e konsideronin Republikën demokratike të degjeneruar. Të vetmit gjermanë në atë vit ishin të ekipit të futbollit drejtuar nga legjenda Bekenbauer. Dolën një barazim 0-0, ishte e vetmja njollë që gati i kushtoi gjermanisë praninë në Kampionatin Evropian. Të vetmit gjermanë perëndimore që vizituan shqipërinë ishin gjermanët e ekipit të futbollit.’
https://www.facebook.com/plugins/video.php?height=314&href=https%3A%2F%2Fwww.facebook.com%2Fediramaal%2Fvideos%2F961255432809827%2F&show_text=false&width=560&t=0
