Hapat gara për ndërtimin e portit të ri në Porto Romano.
Kryeministri Edi Rama në fjalën e tij tha se ky është projekti më i rëndësishëm strategjik për Shqipërinë dhe rajonin.
“Në bashkërendim me NATO jemi duke punuar për financimin e zonës ushtarake pranë këtij porti, duke i shtuar kështu projektit edhe rëndësinë që lidhet me sigurinë, jo vetëm të Shqipërisë, por edhe më gjerë”, u shpreh Rama.
Më tej ai shtoi se “Është një histori më e gjatë sesa dëshira dhe limitet e durimit pasi qytetarët dëgjojnë dhe presin. Durimi e para nuk është ndër virtytet e shqiptarëve dhe e dyta, në kohet tona është një nga mallrat më të rrallë. Shqiptarët kanë zgjedhur që ky vend të bëhet më në fund pjesë e familjes së bashkuar të vendeve të lira dhe demokratike”.
Kryeministri tha se ky port do të lidhë tregtinë me pjesën tjetër të rajonit dhe më gjerë përmes hekurudhave dhe përmes dy porteve të thata në Strugë dhe Prishtinë, duke orientuar shumë flukse tregtare.
