Kryeministri Edi Rama ka zhvilluar sot një takim me disa të rinj në qytetin e Korçës, të cilët në pjesën më të madhe janë të punësuar në shërbime të ndryshme “online”.
Duke vlerësuar mundësitë e mëdha të punës në internet, Rama tregoi edhe një histori personale, duke thënë se falë faqes “online”, një artist sot nuk ka nevojë të lëvizë fizikisht në galeri.
Ai tha se ka shumë miq artistë, që punojnë ditë e natë nga shtëpia, dhe punimet e tyre i shesin në internet.
“Duke patur parasysh që unë bëj zhgaravina, përmes teknologjisë sot nuk ka nevojë të lëvizësh galeri më galeri, mund të ekspozosh punën tënde online. Unë kam shumë shok artistë që punojnë në shtëpi ditë natë dhe shesin online. Nuk lëvizin fare nga shtëpia”, tha ndër të tjera Rama.
