Rama në fjalën e tij u shpreh se Shqipëria nuk ka pasur prej kohësh opozitë, pasi Partia Demokratike sipas tij ka përdorur forcën dhe jo mendjen për të ardhur në pushtet.
Ai shtoi gjithashtu se përçarja e Partisë Demokratike dhe reflektimi në popull nuk e bën atë një alternativë fituese.
“Ne nuk kemi pasur opozitë prej vitesh nuk është diçka e re. Opozita që ne kemi pasur ka qenë një opozitë muskujsh dhe jo mendjeje. Ajo që ka ndodhur nuk është e lehtë, është dramatike. Ajo që ka ndodhur është një përçarje e madhe që reflektohet në një ndarje të madhe dhe në popull, duke shkatërruar premisat e një opozitarizmi modern, konstruktiv evropian dhe alternativ fitues. Por dhe natyrisht duke dëmtuar vendin.
Ne nuk mund të gjësendi në atë dinamikë, është një pengmarrje spektakolare e opozitës nga dy personazhe që janë tragjikomikë. Njëri i shpallur “non grata” nga SHBA-të dhe tjetri një humbës serial që flet sikur ka zbuluar Amerikën, por që thjesht dhe vetëm është peng i vetvetes. Janë dy drejtues dhe personazhe pa legjitimitet”, tha Rama.
