Kryetari i PS-së, në përfundim të mbledhjes së Asamblesë së PS kryeministri Edi Rama ka dhënë detaje për çfarë është diskutuar.
“Kemi bërë mbledhje me diskutime të shumta me shumë anëtarë. Ka qenë një mbledhje pune dhe në një mbledhje pune ka ballafaqime me fakte dhe opinione të mbledhura në një proces shumë kapilar. Ka shqetësime që vijnë nga organizata të ndryshme.
Ka pasur qasje vetëkritike nga të gjithë se bashku duke filluar nga unë. Mos i besoni shumë mënyrës si rrjedhin gjërat se duhen verifikuar në burim. Jam këtu me sekretarin e përgjithshëm për të informuar se jemi shumë të kënaqur nga kjo mbledhje. Kemi miratuar planin e veprimit për periudhën 15 shkurt 15 mars kur fillojnë mbledhjet në të gjithë organizatën tonë politike.
Ne dëgjonim shiu që binte me furi, dhe nuk dëgjuam që rrodhi gjë jashtë. Kemi bërë një mbledhje të gjatë me diskutime të shumta. Ka qenë një mbledhje pune dhe ka ballafaqime me fakte opinione të mbledhura në një proces kapilar që kemi nisur, shqetësime që vijë nga organizata të partisë, zgjedhjes. Të gjitha këto janë diskutuar, por nëse mundtë flasim për kritika, ka pasur një qasje vetëkritike, kështu që mos i besoni shumë mënyrës sesi rrjedhin gjërat sepse duhen verifikuar në burim. Jam bashkë me sekretarin e përgjithshëm për të informuar sepse jemi të kënaqur nga kjo mbledhje, sepse kanë dalë shumë gjëra për t’u marrë parasysh. Kemi miratuar dhe planin e veprimit 15 shkurt-15 mars kur fillojnë zgjedhje në partinë politike. Më 16 mars mblidhemi në Durrës. Nga 15 prilli do të përgatitemi për zgjedhjet për delegatët e kongresit, kështu që jemi sipas parashikimeve dhe në funksion të organizimit që në zgjedhjet e ardhmshme të arrijmë fitoren më shembullore”, tha Rama.
Kreu i qeverisë refuzoi që të përgjigjet për akuzat e Ahmetajt.
“Për pyetjen që më bëni është e për e kotë, ka vetëm një përgjigje. PS nuk komenton çështje që lidhen me drejtësinë. Çdokush që ka çështje me drejtësinë i ka me drejtësinë. Ka një karakteristikë të të gjithë atyre që kanë çështje me drejtësinë që ndjehen viktima të forcave të errëta apo forcave të tjera, por nuk është fare për mua dhe për ne ta shpjegojmë këtë fenomen’, tha Rama.
Pak ditë më parë, ish-kryeministri Arben Ahmetaj deklaroi se është kërcënuar 3 herë, pasi Rama i tha se do të shkojë në të sëmës. Në një intervistë për “Çim Peka Live” në Syri Tv, Ahmetaj është shprehur se është kërcënuar 3 herë, nga këto një herë nga burgu. Ahmetaj ka theksuar se kërcënimet i kanë shkuar dhe te fëmija i tij i vogël. Sipas tij, këto kërcënime kanë qenë të frymëzuara politikisht.
“Jam kërcënuar tre herë nga njerëz të panjohur. Njëherë në telefon nga burgu. Po. Dhe dy herë drejtpërsëdrejti. Të jem i sinqertë kur kërcënimi kaloi te gruaja që mbante fëmijën tim, me fëmijën tim tek liqeni, nuk e lashë më të më ikte si me demek trim i madh unë se shkoi te fëmija. Hera e fundit ka qenë tek rrethi tek liqeni, ku kisha shtëpinë me qira. Kanë qenë kërcënime të frymëzuara politikisht. Të thotë kryeministri të vejë të s’ëmës dhe pastaj të dalë e të thotë se po të isha unë gjykatës e prokurori, do ishte më keq, sigurisht për çfarë do më kërcënonin mua. Këtë e kam ndarë me shumë shërbime,” tha Ahmetaj.
