Kryeministri Edi Rama ka qenë sot në Dibër ku ka folur për nisnëm e Këshillimit Kombëtar. Ndërkohë u ndal edhe legalizimi i kanabisit për qëllime mjekësore.
Rama tha se duhet të mendohet dy herë në lidhje me këtë çështje, ndaj është futur edhe në listën e pyetjeve për qytetarët. Ai ka thënë se partnerët ndërkombëtarë janë kundër duke shtuar se ata nuk jetojnë këtu dhe nuk janë të lidhur me buxhetin e vendit tonë.
Ndër të tjera Rama tregoi edhe për përfitimit ekonomike që do të vinin nga legalizimi i kanabisit.
“Legalizimi i kanabisit mjekësor, pra jo për përdorim nga të gjithë, por si lëndë bazë për farmaceutikën, po tregon që ka të ardhura të rëndësishme në ekonomi. Krijon punësim, krijon një zë të ri në eksport dhe patjetër krijon më shumë të ardhura.Por duke pasur parasysh historikun, duke pasur parasysh dhe shumëçka tjetër që unë dhe ju e dimë, duhet të mendohemi dy herë para se ta marrim këtë vendim, ndaj e kemi ndarë me qytetarët. Kur vjen puna tek partnerët ata janë prapë skeptikë për këtë. Jo se e kanë gabim arsyetimin, por ata nuk jetojnë këtu. Jetojnë, por nuk janë të lidhur me buxhetin tonë dhe për ta është më kollaj më mirë se t’i hymë një dhimbje koke, më mirë mos e bëni fare”, deklaroi Rama.
