Të martën, zëvendësministri i Transportit të Greqisë, Konstantinos Kyranakis, njoftoi se kamerat e Autostradës Atike po funksiononin normalisht, duke përfshirë regjistrimin e shkeljeve të shpejtësisë nga disa shoferë të pakujdesshëm, mes të cilëve ishte edhe tenisti i njohur, Stefanos Tsitsipas. Ai u kap duke tejacuar shpejtësinë me 210 kilometra në orë në një makinë luksoze të markës Lotus.
Sipas Kodit të ri Rrugor të Greqisë, Stefanos Tsitsipas do të përballet me pasoja të rënda për këtë shkelje të rëndë. Patenta e tij do të hiqet për një vit, ndërsa do të duhet të paguajë një gjobë prej 2,000 eurosh. Në rast të një shkeljeje të dytë, gjoba do të rritet në 4,000 euro dhe heqja e patentës do të zgjatë për dy vjet. Po ashtu, nëse ai përsërit shkeljen për të tretën herë, gjoba do të jetë 8,000 euro dhe patenta do të hiqet për katër vjet.
Kjo situatë nënvizoneta rreziqet e tejkalimit të shpejtësisë dhe pasojat ligjore që ndodhin për ata që nuk respektojnë rregullat e trafikut në Greqi. Kodi i ri Rrugor ka për qëllim të reduktojë aksidentet dhe të rrisë sigurinë në rrugë duke e bërë sistemin më të ashpër ndaj shkelësve.
