Jordania i ka kërkuar Rusisë të ndalë rekrutimin e qytetarëve të saj në Forcat e Armatosura Ruse, pas vdekjes së dy shtetasve jordanezë që luftuan për Moskën. Në një komunikatë, Ministria e Jashtme e Jordanisë e quajti këtë rekrutimin “shkelje të ligjit jordanez dhe ligjit ndërkombëtar”, duke theksuar rrezikun që u kanoset qytetarëve.
Zëdhënësi i Ministrisë, Fuad al-Majali, kërkoi nga jordanezët të raportojnë çdo përpjekje për rekrutimin e tyre dhe i paralajmëroi ata për rreziqet ligjore dhe të vdekjes. Ai gjithashtu informoi se Ministria ka kërkuar nga autoritetet ruse të ndalojnë rekrutimin dhe të lirojnë ata që janë regjistruar deri tani.
Sipas al-Majalit, Ministria është në dijeni të përpjekjeve për rekrutim online dhe thekson se qytetarët jordanezë e kanë të ndaluar t’i bashkohen forcave të armatosura të një vendi të huaj. Megjithatë, nuk ka informacion të saktë mbi numrin e jordanezëve të rekrutuar, por disa burime sugjerojnë se qindra jordanezë jetojnë në Rusi dhe më shumë se 20,000 kanë studiuar në vendet e ish-Bashkimit Sovjetik.
Historikisht, gjatë fillimit të pushtimit të Ukrainës nga Rusia, presidenti rus Vladimir Putin kishte shprehur dëshirën për të rekrutuar 16,000 luftëtarë nga Lindja e Mesme, duke mbështetur regjimin e ish-presidentit Bashar al-Assad në Siri. Më pas, rreth 2,000 trupa të rregullta siriane ishin dërguar në Rusi për këtë qëllim.
Kjo situatë ka ngjallur shqetësim në Jordani përsigurinë e qytetarëve të saj, duke u kërkuar atyre që të qëndrojnë të vigjilente në lidhje me çdo përpjekje rekrutimi që mund të i kanoset në të ardhmen. Jordania vazhdon të monitorojë situatën dhe të kërkojë veprime nga autoritetet ruse për të mbrojtur qytetarët e saj.
