TIRANË- Kryeministri Edi Rama është përballur me një valë reagimesh negative, për shkak të urdhërit që ka dhënë në Theth për të prishur shtëpizat që banorët kanë ndërtuar për të mikëpritur turistët. Rama pasi u tha vetë banorëve që të investojnë në këtë zonë, ka urdhëruar tashmë IKMT-në që të prishin ndërtesat.
Por teksa ka bërë një postim në Instagram ku reklamon Paktën e Maleve, Rama për shkak të komenteve negative, e ka hequr mundësinë për të komentuar në këtë post.
Postimi i Plotë:
Shprehni interesin për të investuar në tokën që posedoni dhe bëhuni pronarë të saj me Paketën e Maleve duke ndjekur disa hapa shumë të thjeshtë në portalin www.paketaemaleve.gov.al. Për investimin tuaj, përfitoni lehtësi fiskale, 10 vjet pa asnjë taksë.
https://www.instagram.com/reel/DL_-M0NtlLW/embed/captioned/?cr=1&v=14&wp=1218&rd=https%3A%2F%2Fdosja.al&rp=%2Fpolitike%2Fqytetaret-e-masakrojne-me-komente-negative-rama-mbyll-komentet-ne-insta-i449056#%7B%22ci%22%3A0%2C%22os%22%3A614%2C%22ls%22%3A201%2C%22le%22%3A609%7D
Çfarë po ndodh në Theth?
Në Theth ka nisur një perplasje mes autoriteteve policore dhe banorëve të zonës, për shkak të urdhërit të kryeministrit Rama për prishjen e ndërtimeve pa leje. Banorët kanë kundërshtuar këtë urdhër, duke kërkuar dialog mes tyre dhe shtyrje të afatit deri në përfundim të sezonit turistik. Por këto kërkesa të banorëve, duket se kanë rënë në vesh të shurdhët, pasi IKMT po vijon me shembjen e strukturave pa leje. Në këto kushte, banorët në shenjë proteste kanë paralajmëruar se do të mbyllin fare bujtinat.
