Këshilli i Ministrave ka miratuar një sërë vendimesh në mbledhjen e sotme, duke përfshirë ndryshimin e ligjit për mbrojtjen e prokurorëve dhe gjykatësve të institucioneve si SPAK, GJKKO dhe BKH. Ky ligj ka për qëllim të sigurojë mbrojtjen personale të kryetarëve të gjykatave, drejtorit të Byrosë Kombëtare të Hetimit dhe drejtuesit të Prokurorisë së Posaçme përballë kërcënimeve nga krimi i organizuar dhe korrupsioni.
Mbrojtja do të realizohet përmes shoqërimit me truprojë të nivelit bazë dhe atij të nivelit të mesëm. Kryetarët e gjykatave dhe drejtori i BKH do të kenë mbrojtje gjatë mandatit të tyre dhe për një periudhë që nuk do të kalojë dy vjet pas përfundimit të tij. Nga ana tjetër, drejtuesi i Prokurorisë së Posaçme do të gëzojë të njëjtën shërbim për një periudhë më të gjatë, deri në tre vjet pas përfundimit të mandatit.
Këto masa synojnë të forcojnë sigurimin e subjekteve të rëndësishme në luftën kundër korrupsionit dhe krimit të organizuar, duke ofruar mbrojtje të nevojshme në një kontekst ku kërcënimet mund të jenë reale. vendimi i Këshillit të Ministrave pasqyron angazhimin për të krijuar një ambient më të sigurt për ata që kanë detyra të rëndësishme në sistemin e drejtësisë.
