BERLIN– Kryeministri Edi Rama, gjatë një konference për media nga Panairi i Turizmit në Berlin, tha mes batutash se Shqipëria ka gjithçka që e do një qenie njerëzore. Ai tha se Shqipëria është një vend i vogël, por i larmishëm. Rama shtoi se europianët do të vijnë për bukuritë e maleve, për kënaqësinë e ngjitjes në to, për bukuritë e aventurave të tjera si rafting në lumenj etj.
“Europianët do të vijnë për bukuritë e maleve, për kënaqësinë e ngjitjes në to, për bukuritë e aventurave të tjera si rafting në lumenj dhe kështu. Shqipëria ka për këdo një vend. Është një vend i vogël, por i larmishëm. Kemi gjithçka që e do një qenie njerëzore dhe e kemi në distancë të shkurtër…Kemi dy dete, nëntë lumenj, shumë male, lugina dhe liqene. Qershinë mbi tortë kemi shqiptarët, që janë unikë dhe nuk jemi asnjëherë të mërzitshëm si zviceranët”, tha Rama.
