Plas në federatën shqiptare ët shtangës. Peshëngritja nuk feston dot në qetësi tre medaljet e fituara në Evropian. Erkand Qerimaj ka lëshuar akuza të forta ndaj Presidentit Elez Gjoza duke akuzuar këtë të fundit se po fsheh një rast ku një sportist ka dalë me doping. Ai i kërkon dorëheqjen Gjozës.
“Skandali i fundit në federatën e peshëngritjes, rasti i fundit i një rasti sportist që është kapur me doping është mbajtur i fshehur nga federata dhe institucionet për të mbrojtur Federatën. Mendimi im bazuar në prova është që urgjentisht Elez Gjoza të japë dorëheqjen e të behën zgjedhje te reja.
Drejton Federatën që në vitin 2013 dhe ka bërë 3 mandate me shume skandale. Fondi dhe Federata është për sportistët e trajnerët, jo për të shkuar në xhepat e mëdhenj të presidentit. Ku realizon turizëm me njerëzit e familjes me lekët e taksapaguesve!!! Shporru nga Federata hajdut…”, shkruan Erkand Qerimaj.
Qerimaj në Kampionatin Europian të zhvilluar së fundmi në Bullgari zuri vendin e tretë në stilin e shkëputjes dhe i solli Shqipërisë medaljen e argjendtë.
