SHBA– Presidenti amrikan Donald Trump ka deklaruar se do të jetë shumë i ashpër me kryeministrin izraelit Benjamin Netanyahu për të arritur një marrëveshje armëpushimi në Rripin e Gazës.
“Shumë i rreptë, shumë i rreptë. Por edhe Netanyahu e dëshiron këtë. Ai do të vijë këtu javën tjetër. Ai dëshiron që edhe kjo të marrë fund”, u përgjigj Trump kur u pyet për qëndrimin e tij ndaj kreut të qeverisë izraelite gjatë vizitës së tij të planifikuar të hënën e ardhshme në Uashington.
Përpara se të nisej për në këtë qendër të quajtur “Alcatraz me aligatorë”, miliarderi republikan kishte deklaruar se SHBA-të po ushtronin presion që një armëpushim midis Izraelit dhe Hamasit në Rripin e Gazës të arrihej shpejt.
“Shpresojmë që kjo të ndodhë dhe shpresojmë që të ndodhë brenda javës së ardhshme”, i tha ai një gazetari i cili e pyeti nëse një armëpushim në territorin palestinez mund të arrihet deri në kohën kur Netanyahu viziton Shtetet e Bashkuara.
Izraeli njoftoi sot se kishte zgjeruar sulmin e tij në Rripin e Gazës, ku sulme të reja vranë 17 persona, sipas shërbimeve palestineze të shpëtimit.
Lufta filloi me sulmin e paprecedentë të Hamasit më 7 tetor 2023, i cili shkaktoi vdekjen e 1,219 personave nga ana izraelite, kryesisht civilë, sipas një llogaritjeje të Agjencisë France-Presse bazuar në të dhëna zyrtare.
Operacioni hakmarrës izraelit ka vrarë 56,331 palestinezë, shumica e të cilëve civilë, sipas shifrave nga Ministria e Shëndetësisë e Hamasit për Gazën, të cilat OKB i konsideron të besueshme.
