Vladimir Putin priti Presidentin sirian Ahmed al-Sarra në Moskë, një takimi që thekson strategjinë ruse për të forcuar praninë në Siri, një vit pas rrëzimit të Bashar al-Assad. Në një konferencë për shtyp para bisedimeve, al-Sarra falënderoi Putinin për mbështetje në ruajtjen e unitetit të Sirisë dhe për rolin e rëndësishëm të Rusisë në stabilitetin e rajonit.
Putin, në përgjigje, shprehu mbështetje për përpjekjet e al-Sarrah për stabilizimin e vendit dhe e përgëzoi për arritjet në rivendosjen e integritetit territorial. Megjithatë, al-Sarra kishte qenë në anën që rrëzoi Assad, dhe kjo sjell shqetësime në Moskë për të ardhmen e bazave ushtarake ruse në Siri. Kremlini konfirmoi se tema e pranisë së trupave ruse do të jetë në agjendën e bisedimeve. Aktualisht, trupat ruse janë të vendosura në bazën ajrore Khmeimim dhe atë detare Tartus.
Disa ditë më parë, Rusia kishte tërhequr forcat e saj nga aeroporti i Qamishli-t në verilindje të Sirisë, një lëvizje që tregon ndjeshmërinë e Moskës për zhvillimet politike të mundshme në rajon. Eksperti Samuel Ramani theksoi për Al Jazeera se Moska kishte frikë se një qeveri “populiste anti-ruse” do të krijohej pas rrëzimit të Assad, por u surprizua kur marrëdhëniet me Damaskun mbetën të qëndrueshme.
Ramani shpjegoi se al-Sarra ka ndjekur një qasje pragmatike, duke kërkuar të forcojë marrëdhëniet me fuqitë jashtë Lindjes së Mesme për të balancuar tensionet politike në SHBA. Ai theksoi se Republikanët janë më të hapur ndaj bashkëpunimit me Sirinë nëse ajo e mban Iranin jashtë, ndërsa demokratët janë më të kujdesshëm për heqjen e sanksioneve.
Analisti përfundoi duke theksuar se al-Sarra ka nevojë për mbështetje ruse në përpjekjet e tij për stabilizim dhe kjo është arsyeja pse ai është në bashkëpunim me Moskën.
