Ish-presidenti Donald Trump reagoi sërish për luftën në Ukrainë, duke rregulluar disi deklaratën e tij sa i përket pushtimit nga Rusia, por që nuk hoqi dorë nga elozhet ndaj presidentit rus Vladimir Putin.
Trump shtoi se pasardhësi i tij Joe Biden dhe NATO kanë vepruar si memecë në krahasim me zgjuarsinë e Vladimir Putin.
“Putini po thotë: Oh ata po më sanksionojnë, ata më kanë sanksionuar në 25 vitet e fundit. Do thotë që unë mund të marr një vend të tërë dhe ata do më sanksionojnë. Problemi nuk është se Putini është i zgjuar, që sigurisht ai është i zgjuar, por problemi i vërtetë është se udhëheqësit tanë janë memecë”.
“Sulmi rus ndaj Ukrainës është i tmerrshëm”, tha ai në Konferencën e Veprimit Politik Konservator (CPAC) në Orlando, Florida, të shtunën mbrëma. “Është një fyerje dhe një mizori që nuk duhet të ishte lejuar të ndodhte kurrë.
“Ne lutemi për popullin krenar të Ukrainës. Zoti i bekoftë të gjithë. Siç e kuptojnë të gjithë, kjo fatkeqësi e tmerrshme nuk do të kishte ndodhur kurrë nëse zgjedhjet tona nuk do të manipuloheshin dhe nëse unë do të isha president.”
