Presidenti Ilir Meta ka mbledhur sot Këshillin e Sigurisë Kombëtare, pas pushtimit të Ukrainës nga Rusia.
Në këtë takim marrin pjesë zv.kryeminisrtri Arben Ahmetaj, kryetarja e Kuvendit Lindita Nikolla, ministrat Olta Xhaçka dhe Niko Peleshi dhe anëtarë të tjerë te Këshilit.
Njoftimi për mbledhjen e Këshillit u njoftua më herët nga presidenca.
Këshilli i Sigurisë përbëhet nga 14 anëtarë dhe kryesohet nga Presidenti i Republikës.
Anëtarët e tjerë të tij janë kryetari i Kuvendit, kryeministri, 7 ministra, si i mbrojtjes, drejtësisë, punëve të brendshme, financave, transportit, punëve të jashtme dhe energjisë.
Anëtarë e tjerë janë Kryetari i Komisionit parlamentar të Sigurisë Kombëtare, Drejtori i Shërbimit Informativ Shtetëror dhe Drejtori i Përgjithshëm i Policisë.
