Pushtimi i Haitit nga grupe të armatosura, 18 vende vendosin të dërgojnë 5500 ushtarë për të bërë ballë situatës.

Sekretari i Përgjithshëm i Organizatës së Shteteve Amerikane (OAS), Albert Ramdin, njoftoi të premten se 18 vende janë angazhuar për të dërguar forca sigurie në Haiti, në kuadër të një operacioni të ri për të luftuar bandat që do të zëvendësojnë forcën shumëkombëshe të OKB-së. Ramdin theksoi se forcat do të veprojnë sipas rregullave të përbashkëta, duke shtuar se procesi i formimit të kësaj force është i ngadalshëm.

Sipas njoftimeve, forca e re e sigurisë do të përbëhet nga 5,500 ushtarë. Ramdin, i cili vizitoi Haitin, e përshkroi situatën atje si “shumë serioze”. Ai theksoi se, pavarësisht vështirësive, qeveria e Haiti-t është ende nën kontroll dhe është në vend.

Vendi, që përballet me sfida të mëdha, ka vuajtur nga prania e bandave për vite me radhë, të cilat janë përgjegjëse për një mori krimesh, duke përfshirë vrasje, përdhunime, plaçkitje dhe rrëmbime. Haiti, si vendi më i varfër në Amerikë, nuk ka mbajtur zgjedhje për nëntë vjet. Së fundmi, qeveria kalimtare ka njoftuar se zgjedhjet parlamentare dhe presidenciale janë të planifikuara për verën e vitit 2026.