Policia e Kukësit ka arrestuar një 23-vjeçar, V. C., dhe ka shpallur në kërkim shokun e tij, J. C., pas një incidenti që rezultoi në përplasjen e një punonjësi të policisë rrugore me automjet. Ngjarja ndodhi në zonën e “6-katëshit”, ku J. C. goditi me makinë efektivin E. M., i cili ishte në shërbim, dhe më pas largohet nga vendngjarja. Pas aksidentit, V. C. e ka kërcënuar me fjalë punonjësin e policisë. Sipas njoftimit, dëmtuari mori ndihmën mjekësore dhe është jashtë rrezikut për jetën.
Po ashtu, specialistët e Komisariatit të Policisë Kukës referuan dy raste të tjera në Prokurori. Bëhet fjalë për një kallëzim të rremë për vjedhjen e automjetit nga ana e shtetasve Sh. B., 33 vjeç, I. D., 50 vjeç, dhe Th. V., 29 vjeçe, që jetojnë në Gjermani.
Në Komisariatin e Tropojës, u arrestuan A. K., 31 vjeç, për mbajtje të armëve të ftohta, dhe L. K., 46 vjeç, për mbajtje të lëndëve narkotike me dyshim për kanabis.
Gjithashtu, në Has, referimi i materialeve në Prokurori përfshiu një grup shtetasish, përfshirë Rr. S. dhe A. K. dhe të tjerë, pasi ata janë përfshirë në një protestë në fshatin Vlahen. Gjatë protestës, ata bllokuan rrugën “Plani i Krumës-Vlahen” dhe nuk iu bindën urdhrit të policisë për të liruar akset rrugore.
Të gjitha materialet procedurale janë dërguar në Prokurori për veprime të tjera ligjore.
