SHKODËR- Autoritet kanë nisur hetimet ndaj dy personave nëShkodër. Sipas njoftimit të policisë hetimet kanë nisur ndaj drejtoreshës dhe ish-drejtorit të një shkollë në fshatin Grudë e Re në Shkodër.
Sipas njoftimit të policisë ata kishin punësuar një mësues matematike pa raporin mjekësor që tregon se ai është i aftë për punë. Gjithashtu bëhet me dije se ky mësuse vuante nga probleme të shëndetit mendor. Hetimet ndaj 45-vjeçares dhe 66-vjeçarit kanë nisur për veprën penale “Shpërdorimi i detyrës”.
Njoftimi i plotë:
Specialistët për Hetimin e Krimeve Ekonomike dhe Financiare të DVP Shkodër referuan materialet në Prokurori ku nisi procedimi në gjendje të lirë për veprën penale “Shpërdorimi i detyrës”, për shtetasit R. S., 48 vjeçe, me detyrë drejtoreshë e shkollës 9-vjeçare të fshatit Grudë e Re dhe Gj. D., 66 vjeç, ish-drejtor i kësaj shkolle, sepse pas informacioneve të marra nga emisioni investigativ “Fiks Fare” dhe verifikimeve të kryera në shkollën 9-vjeçare të fshatit Grudë e Re, Shkodër, ka rezultuar se shtetasi R. M., 59 vjeç, banues në Shkodër, është punësuar si mësues matematike në këtë shkollë, pa dorëzuar raportin mjekësor që tregon aftësinë për punë.
Gjithashtu, për këtë rast nisi procedimi në gjendje të lirë për veprën penale “Shpërdorimi i detyrës”, edhe për shtetasen D. K., 45 vjeçe, me detyrë mjeke e zonës, pasi më datë 20.03.2024, ka lëshuar një dokument që tregon se shtetasi R. M. është i aftë për punë, pavarësisht se ai është i diagnostikuar me sëmundje mendore.
