TIRANË– Partia Socialiste hap zyrtarisht fushatën elektorale për zgjedhjet e 11 majit ditën e sotme. Nën moton “Shqipëria 2030 në BE! Vetëm me Edin dhe PS”, mesdita e sotme do të shënoj dhe hapjen e fushatës elektorale të partisë në pushtet në Shqipëri.
“12 prill nga 12 qarqe rreth 12 yjeve të Europës në 12.00, familja jonë e madhe politike, mblidhet në Sheshin Skënderbej për takimin festiv Shqipëria 2030 në BE”, shkroi Rama në rrjetet sociale disa ditë më parë.
Data e sotme është zgjedhur për shkak të simbolikës së 12 yjeve në flamurin e BE-së, që është edhe fokusi i fushatës së kryeministrit Rama, pra integrimi në Bashkimin Europian. Ideja e sloganit është premtimi për të ecur para drejt integrimit në BE, drejt pasaportës europiane, drejt zhvillimit perëndimor, që ka qenë fokusi në takimet që Edi Rama ka zhvilluar gjatë muajit prill.
