TIRANË – Deputeti demokrat Edi Paloka, i ka cilësuar deklaratat e kryeministrit Rama, se “Partia Socialiste punon me orë të zgjatura këtë periudhë para zgjedhjeve” si të pavërteta.
Një ditë më parë kryeministri Rama dhe drejtuesja politike e Qarkut të Tiranës Ogerta Manastirliu zhvilluan një takim me shtabin elektrorial të Njësisë Nr.6 rreth orës 22:00, ku kreu i qeverisë u shpreh se në këtë periudhë para zgjedhjeve më shumë se një mijë veta janë angazhuar dhe po punojnë me orë të zgjatura.
Por në një video të publikuar këtë të mërkurë në rrjete sociale, Paloka ka hedhur poshtë deklaratat e kryeministrit, teksa e ka quajtur këtë të fundit mashtrues. Paloka thotë se e njëjta zyrë që mbrëmë u zhvillua mbledhja rreth orës 22:00, sot është gjetur e mbyllur pa shkuar ende ora 20:00.
Krahas videos, Paloka ka ngritur pretendime se mbledhjet e zhvilluara nga kreu i qeverisë me përfaqësues të Partisë Socialiste, që filmohen në orët e vona janë vetëm propagandë.
Postimi i Palokës:
Rama fle, PS fle , “armiku” nuk fle…
Rama ben sikur leviz “befasisht” ne oret e vona te nates neper zyrat e PS dhe gjoja i gjen ata ne kulmin e punes!
Mbreme dha shfaqjen e rradhes me zyren ne Kombinat.
Po ja realiteti sot. Ora nuk ka qene as 20.00 kur jane regjistruar keto pamje ne te njejten zyre
“Armiku” nuk fle ndersa PS po zvarrget cdo dite e me shume pavarsisht se Edvini po behet cope ta mbaje ne kembe artificialisht! Mashtrues i vogel…
https://www.facebook.com/plugins/video.php?height=476&href=https%3A%2F%2Fwww.facebook.com%2F100008639860309%2Fvideos%2F998389701798441%2F&show_text=true&width=267&t=0
