Dhjetra protestues janë mbledhur sot para Ambasadës së Serbisë në Tiranë, për të protestuar kundër racizmit ndaj shqiptarëve.
Protestuesit janë shfaqur me flamuj kombëtar në duar, dhe parrulla kundër racizmit.
“Kjo është për gjakun e fëmijëve dhe grave të pafajshme të masakruar nga serbët”, shkruhet në një prej parrullave të protestuesve.
Përballë ambasadës serbe është formuar menjëherë një kordon policor, për mbarëvajtjen e protestës.
Protesta vjen në një kohë të rritjes së tensioneve mes Serbisë dhe Kosovës, kur presidenti serb Aleksandër Vuçiç ka kërkuar rikthimin e forcave ushtarake serbe në disa zona brenda territorit të Kosovës.
