Prej një ore vijon protesta e prindërve dhe fëmijëve për mbylljen e kopshtit Zybeyde Hanim. Qindra nxënës të shoqëruar nga prindërit e tyre janë mbledhur para kryeministrisë ku kanë kërkuar që të rishikohet vendimi për mbylljen e kopshtit, pasi sipas tyre ishte i pakuptimtë.
Njëri prej prindërve, u shpreh se kishte 6 vite që ishte ndryshuar adresa dhe se ishte e pakuptimtë që mbyllja e kopshtit të bëhej për ndryshimin e adresës.
“Do vazhdojmë protestat deri sa ta rishikojnë këtë vendim. Në momentin që kemi marrë informacion nga mediat e deri në këtë moment, nuk ka pasur asnjë vendim zyrtar lidhur me arsyet e pretenduara nga ministria e Arsimit. Unë jam prind, atë kopsht e vizitoj dy herë në ditë. Ne jemi jashtëzakonisht të kënaqur me shërbimin që marrim. Është absurditet, e di çfarë do të thotë të mbyllësh një kopësht apo çerdhe. E thashë edhe njëherë, adresa ka 6 vite që është ndryshuar dhe unë kam shkuar dy herë në ditë për gjashtë vite me rradhë.
E kam blerë biletën, të largohem nga Shqipëria, të kërkoj të ardhmen jashtë se këtu është e pamundur. Nuk ka rëndësi se ku, do shkoj në një vend europian”– u shpreh prindi.
