TIRANA- Një grup shoqatash kryesisht të besimtarëve myslimanë shqiptarë kanë protestuar sot para Parlamentit, për të kundërshtuar qëndrimin që ka mbajtur Shqipëria ndaj luftës në Rripin e Gazës.
Protesta u thirr pas dekorimit të kryeministrit Edi Rama me medaljen presidenciale të nderit të Izraelit, nga Forumi Mysliman i Shqipërisë, nën sloganin “Jo në emrin tim – Tubim për Palestinën”.
“Rama bëri një gabim fatal që ka shkuar në Izrael, ia ka ulur vlerat vetes…Nuk duhet të përkrahë kryeministri jonë këtë krim të shëmtuar që po bën Izraeli”, thanë protestuesit për mediat.
Sipas tyre dekorimi i Ramës nga presidenti i Izraelit, nuk bëhet në emër të shqiptarëve, por në emër të mbrojtjes që kryeministri i ka bërë gjenocidit Gaza.
