Të shtunën e 12 nëntorit, opozita ka thirrur qytetarët anembanë Shqipërisë që të mblidhen në një protestë kombëtare në kryeqytet ku do të kërkohet largimi i kryeministrit Edi Rama.
Pak orë para protestës, ish kryeministri Sali Berisha ka paralajmëruar konferencë me gazetarët në selinë blu.
Sipas gazetarit të Neës24 Osman Stafa, Policia e Shtetit është njoftuar për një protestë që do të zgjasë 2 orë, por kjo mbetet për t’u parë, pasi parashikohet që të zgjasë më shumë.
Mësohet se të shtunën, kryeministri Edi Rama nuk do të jetë në Tiranë. Sot dhe nesër, (12 nëntor) kreu i qeverisë do të jetë në Paris ku do të mbahet Samiti i Paqes.
