Ministrja e Jashtme, Elisa Spiropali, gjatë një vizite dy ditore në Athinë, ka bërë thirrje për heqjen e ligjit të luftës mes Shqipërisë dhe Greqisë. Në një deklaratë të përbashkët me homologun e saj grek, ajo theksoi nevojën për shfuqizimin e çdo reference ligjore nga Lufta e Dytë Botërore që ndikon në marrëdhëniet aktuale ndërmjet dy vendeve. Spiropali e përshkroi këtë moment si një mundësi për të hapur një kapitull të ri në marrëdhëniet shqiptaro-greke.
Ajo theksoi se si partnerë në NATO dhe me një Traktat Miqësie, është e rëndësishme të mbyllet çdo referencë ligjore që pasqyron një realitet të vjetër dhe jo përputhës me miqësinë aktuale. Spiropali gjithashtu diskutoi për çështjet pronësore të qytetarëve shqiptarë në Greqi, duke bërë thirrje për një qasje realiste dhe graduale në përputhje me ligjet përkatëse dhe frymën europiane, me qëllim forcimin e besimit e zhvillimin e marrëdhënieve miqësore.
Një tjetër temë e rëndësishme e diskutuar ishte marrëveshja e Detit. Spiropali theksoi angazhimin e Shqipërisë për zgjidhjen e problemeve të kufirit dhe delimitimin e hapësirave detarë, në përputhje me të drejtën ndërkombëtare dhe marrëdhëniet e fqinjësisë së mirë. Ajo shprehu gatishmërinë për dialog konstruktiv për çështjet e hapura.
Për më tepër, Spiropali u ndal në rëndësinë e vazhdimit të negociatave për një marrëveshje bilaterale për mbrojtjen sociale. Ajo e cilësoi këtë marrëveshje si një hap të rëndësishëm për mbrojtjen e të drejtave të sigurimeve shoqërore, duke siguruar trajtim të barabartë për shqiptarët në Greqi dhe grekët që punojnë në Shqipëri. Spiropali përmendi si shembuj pozitivë marrëveshjet e ngjashme që Shqipëria ka arritur me vende të tjera të Bashkimit Europian, përfshirë Italinë.
Kjo vizitë dhe diskutimet e saj tregojnë një qasje të re për bashkëpunimin dhe ndihmën në zgjidhjen e çështjeve të hapura mes dy vendeve.
