FRANCË-Prokurorët francezë kanë kërkuar një dënim me shtatë vjet burg dhe një gjobë prej 300,000 eurosh për ish-presidentin francez Nicolas Sarkozy. Ish-presidenti akuzohet se ka marrë miliona euro të paligjshme të fushatës zgjedhore nga regjimi i diktatorit të ndjerë libian Muammar Gaddafi.
Sarkozy është në gjyq që nga janari me dyshimin për “mbulim të përvetësimit të fondeve publike, korrupsion pasiv, financim të paligjshëm të fushatës”. Prokurori financiar, Sebastien de La Touanne, i ka përshkruar akuzat kundër Sarkozy dhe 12 të dyshuarve të tjerë si “korrupsion me intensitet të lartë”.
Prokurorët kanë kërkuar gjithashtu ndalimin e funksioneve publike për pesë vjet dhe përdorimin e disa privilegjeve. Jashtë gjykatës, avokatët e Sarkozy kanë deklaruar se dënimet e kërkuara ishin shumë të ashpra dhe të pabaza.
“Ai është i pafajshëm”, tha avokati Christophe Ingrain.
Ndërkohë prokurorët kanë kërkuar nga një deri në gjashtë vjet burg dhe gjoba deri në 150,000 euro për ish-krahun e djathtë të Sarkozy-t, Claude Gueant, ish-ministrin Brice Hortefeux dhe ish-shefin e financave të fushatës së Sarkozy-t, Eric Woerth.
Sarkozy, i cili ishte president midis 2007 dhe 2012, ka mohuar të gjitha skuzat. Anëtarët e rrethimit të Sarkozy dyshohet se janë takuar me anëtarë të regjimit të Gaddafit në Libi në vitin 2005, kur Sarkozy ishte ministër i brendshëm. Menjëherë pasi u bë president francez në vitin 2007, Sarkozy më pas ftoi liderin libian për një vizitë të gjatë shtetërore në Paris
