Kryeministri i Kosovës, Albin Kurti ka dalë në një deklaratë për mediat ku ka folur në lidhje me diskutimet e bëra ditën e sotme në kuadër të samiti të Procesit të Berlinit i cili u mbajt në Tiranë.
Kurti u shpreh se i ka kërkuar kryeministres serbe, Ana Bërnabiç nënshkruajnë marrëveshjen, por ajo nuk ka pranuar.
Ai më tej shtoi se presidenti serb, Aleksandar Vuçiç është i zënë në Kinë.
“Është e rëndësishme që të mos ketë episode të tjera si ato në 24 shtator. Duhet të ketë sanksione për Serbinë dhe siguri për Kosovën. Është ditë e mirë sepse procesi i Berlinit e bën Ballkanin evropian.
Të gjitha shtetet duhet të anëtarësohen sa më parë.
Ne kemi marrëveshje me Serbinë, ajo e 27 shkurtit që ka njohjen de facto reciproke dhe ajo duhet të zbatohet.
Sot gjatë takimit të drekës unë kam kërkuar nga kryeministrja Brnabic që ta nënshkruajmë marrëveshjen bazike dhe aneksin e Ohrit.
Unë jam që të zbatohen ato tani që presidenti i Serbisë është i zënë në Kinë në takim me superfuqitë lindore. Unë kam thënë le të nënshkruajmë me kryeministren e Serbisë, por ajo nuk ishte e interesuar”, tha Kurti.
