Edhe pse jemi në mes të shtatorit, po përjetojmë temperatura 3 deri në 4 gradë më të larta se vlerat e zakonshme. Temperaturat maksimale pritet të luhaten në 31-32 gradë Celsius në qytetet e zonës së ulët.
Sa i përket kushteve atmosferike, pritet dominim i kthjellimeve në orët e para të ditëve, por mesdita dhe pasditja sjellin vranësira, më të fokusuara në zonat malore, duke sjellë edhe momente me pika shiu, që do mbeten të fokusuara në skajin verilindor.
Sa i përket vendeve të rajonit, Kosova dhe Maqedonia e Veriut do të kenë vlera shumë pranë normales.Maksimumet do të jenë rreth 27-28 gradë Celsius në qytetin e Gjakovës.
E premtja sjell vranësira të shpeshta në Maqedoninë e Veriut. Në Kosovë pritet të ketë reshje orët e mbrëmjes, ndërsa në Maqedoninë e Veriut priten reshje gjatë fundjavës.
