Ministria ruse e Mbrojtjes ka bërë me dije ditën e sotme se trupat e saj janë urdhëruar të sulmojnë në çdo drejtim në Ukrainë.
Sipas ministrisë ruse sulmi rifillon, disa orë pasi ishte ndërprerë për kryerjen e negociatave me qeverisë ukrainase.
Duket se negociatat mes palëve kanë dështuar sepse ka qenë pala ukrainase ajo që është larguar nga takimi.
“Pasi pala ukrainase braktisi procesin e negociatave, sot të gjitha njësitë u urdhëruan të vazhdojnë sulmin në të gjitha drejtimet në përputhje me planin e operacionit”, tha ministria.
