TIRANË- Kryeministri Edi Rama i është përgjigjur komentuesve sot në “Sy m’Sy”, ku njëri prej tyre e akuzoi se aksioni për prishjen e ndërtimeve në Theth ishte me qëllimin që oligarkët të ndërtojnë resorte dhe hotele. Por Rama u shpreh se nuk do të ketë zhvillime pas atij pastrimi të madh përveç rasteve specifike të atyre që jetojnë aty.
“Prona është e pacënueshme. Në Theth e kundërta është e vërtetë, nuk do të ketë zhvillime pas atij pastrimi të madh përveç rasteve specifike të atyre që jetojnë aty. Nuk është Thethi vend për resorte të mëdha e hotele”, tha Rama.
