Kompania Meta ka shkaktuar zemërim në mesin e prindërve pasi ka përdorur foto të nxënësve të shkollës për të promovuar platformën e saj të mediave sociale, “Threads”. Një baba 37-vjeçar e vuri re këtë situatë, duke parë fotografi të vajzave të reja, vetëm 13 vjeçe, të veshura me uniforma shkollore. Fotot, ku fytyrat e vajzave ishin të dukshme dhe shpesh edhe emrat e tyre, përshkruheshin si “skandaloze” dhe “shqetësuese” nga prindërit.
Sipas raportimeve nga “The Guardian”, Meta kishte marrë këto foto nga postime të publikuara në Instagram nga prindërit e vajzave. Megjithatë, shumë prej tyre nuk ishin në dijeni se kompania do t’i përdorte këto imazhe. Edhe pse llogaritë ishin të privatizuara, fotot ishin shpërndarë automatikisht në “Threads”. Një baba, i cili zbuloi pamjen e vajzës së tij, shprehu shqetësimin e tij duke e quajtur situatën “absolutisht skandaloze”, veçanërisht duke pasur parasysh se imazhet tregonin nxënëse me funde të shkurtra dhe këmbë të zbuluara.
Meta, e cila ka një vlerë prej 2 trilion dollarësh, e justifikoi veprimin duke thënë se këto imazhe nuk shkelin ndonjë politikë të saj dhe se përdorte foto publikohet që përputhen me standardet e saj. Kompania theksoi se rekomandimet e saj për “Threads” ishin bazuar në fotografi tashmë të shpërndara publikisht.
Sistemet e Meta-s pretendonin se nuk rekomandonin fotografi nga adoleshentët, por këto ishin postime të llogarive të të rriturve që lejonin shikimin publik. Për ta, imazhet si këto përfaqësonin “mjete rekomandimi”, duke rikonfirmuar se ato që ishin në publik mund të ishin të dobishme për qëllimin e promovimit të platformave. Kjo situatë ngre shqetësime të mëdha për privatësinë dhe mbrojtjen e të dhënave të fëmijëve në rrjetet sociale.
