Gjykata e Tiranës ka caktuar masën e sigurisë arrest në shtëpi për dietologen Silvana Balliu.
Bëhet me dije se në sancë Balliu nuk ka thënë asgjë për shkak të gjëndjes së rënduar psikologjike, ndësa avokati i saj ka hedhur poshtë pretendimet se klientja e tij akuzohet për mashtrim.
Silvana Balliu, 41 vjeçe, banuese në Tiranë u arrestua 3 ditë më parë për veprat penale “Mashtrimi”, “Fshehja e të ardhurave”, dhe “Veprime që pengojnë zbulimin e së vërtetës”.
Kjo shtetase administronte një subjekt në zonën e Brrylit, të cilin nuk e kishte të regjistruar pranë organeve përkatëse dhe fshihte të ardhurat e fituara prej tij. Në bazë të verifikimeve të kryera ka rezultuar se shtetasja Silvana Balliu prezantohej si dietologe dhe me anë të mashtrimit përfitonte shuma të ndryshme parash, nga 150-300 euro, nga qytetarë të ndryshëm, për përgatitjen e dietave të personalizuara.
Gjatë ndërhyrjes nga shërbimet e Policisë, kjo shtetase ka fshirë nga telefoni i saj, bisedat me qytetarët (klientët), me qëllim për të penguar zbulimin e së vërtetës.
