DIBËR- Një përplasje ka ndodhur mbrëmjen e sotme në fshatin Pilafes të Dibrës, për shkak të dyshimeve për shit-blerje votash. Mësohet se kandidatët Xhelal Mziu dhe Xhemal Gjunkshi së bashku me simpatizantët e PD-së kanë bllokuar një makinë të një kandidati të PS për shkak të dyshimeve për shit-blerje votash.
Makina që Mziu dhe Gjunkshi kanë ndaluar është në hyrje të Peshkopisë, ndërkohë që për shkak të kësaj, rruga Dibër-Kukës është bllokuar nga trafiku. Sipas PD-së, njerëz pranë PS po shpërndanin para dhe tollona nafte nëpër fshatrat e Dibrës.
Dyshohet se ka pasur dhe përplasje fizike mes dy grupeve. Ndërkohë që Prokuroria dhe policia kanë shkuar në vendngjarje dhe kanë kryer kontrolle të automjetit.
